Maikada raat gham ka ghar nikla
Dil haweli tale khandar nikla
Dil haweli tale khandar nikla
Main use dhundta tha aankhon mein
Phool ban kar wo shaakh par nikla
Phool ban kar wo shaakh par nikla
Kis key saaye mein sar chhupaoge
Wo shajar dhoop ka shajar nikla
Wo shajar dhoop ka shajar nikla
Us ka aanchal bhi koi baadal tha
Wo hawaaon ka hamsafar nikla
Wo hawaaon ka hamsafar nikla
Koi kaghaz na tha lifafe mein
Sirf titli ka eik par nikla
Sirf titli ka eik par nikla
Jab se jaana ke wo bahaadur hain
Dil se kuchh dushmanon ka dar nikla
Dil se kuchh dushmanon ka dar nikla
Zindagi ik faqeer ki chadar
Jab dhake paon hamne sar nikla
Jab dhake paon hamne sar nikla
No comments:
Post a Comment