Aansuon key saath sab kuchh bah gaya
Dil mein sannata sa baqi rah gaya
Dil mein sannata sa baqi rah gaya
Chhod aaya hun zameen-o-aasman
Fasila ab aur kitna rah gaya
Fasila ab aur kitna rah gaya
Rafta rafta bujh gaye saare chiragh
Eik chehra jhilmilaata rah gaya
Eik chehra jhilmilaata rah gaya
Bastiyan dhundla gayin phir kho gayin
Roshni ka shehr peechey rah gaya
Roshni ka shehr peechey rah gaya
Bewafa raaste badalte hein
Ham safar saath saath chalte hein
Ham safar saath saath chalte hein
Kiske aansoo chhupe hein phoolon mein
Choomta hun to hont jalte hein
Choomta hun to hont jalte hein
Uski aankhon ko ghaur se dekho
Mandiron mein chiragh jalte hein
Mandiron mein chiragh jalte hein
Eik deewar wo bhi shishey ki
Do badan paas paas j altey hein
Do badan paas paas j altey hein
Kaanch key, motiyon key, aansu key
Sab khilone ghazal mein dhalte hein
Sab khilone ghazal mein dhalte hein
No comments:
Post a Comment