ગઝલમ શરણં ગચ્છામિ.

દોસ્ત, ધજા થઇ ગઈ પથ્થરની, ગઝલમ શરણં ગચ્છામિ,

પોલ ખુલી ગઈ સૌ ઈશ્વરની, ગઝલમ શરણં ગચ્છામિ,

આંસુને અત્તર કરવા, સપનાનો સુરમો આંજ્યો; પણ-
ઊંઘ ઉડી ગઈ છે બિસ્તરની, ગઝલમ શરણં ગચ્છામિ,

નવસો નવ્વાણું દરવાજે, તારા સ્વસ્તિક ચિતરાશે
સાંકળ વાસી દે તું ઘરની, ગઝલમ શરણં ગચ્છામિ,

કલ્પતરુના છાયાં ઓઢ્યા,તો પણ, તડકા રગરગમાં,
અઢળક પીડાઓ અંદરની, ગઝલમ શરણં ગચ્છામિ,

એકે તો ઓગળવું પડશે, કેમ સમાશું બન્ને જણ?
ગલી સાંકડી પ્રેમનગરની, ગઝલમ શરણં ગચ્છામિ,
 

-હરદ્વાર ગોસ્વામી.