Hans rahi hai robaro rangee bahar

Hans rahi hai robaro rangee bahar

Kitne nazare hain jannat dar kinar

Rasta takti hai kab se rag guzar

Mur ke lekin dekhta hoon baar baar

Aa geya hoon dur kis ko chor kar

Chup khara hoon zindagi ke moor par

Jane kis ka hai abhi tak intizar

Kitne honton par hai ahd e dilnasheen

Muntazir hain kitne aaghosh e haseen

Barh rahe hain kitne dast e nazneen

Mujhe ko lekin hai na jane kia yaqeen

Reh geyi hai jam ke ek janib nazar

Chup khara hoon zindagi ke moor par

Jane kis ka hai abhi tak intizar

Ho chuki hain gul ufaq ki surkhian

Teergi hai karwaan dar karwaan

Bujh geya ho jaise nazroon mein jehan

Kuch naheen maloom jana hai kahan

Zulmatoo mein kho geyi hai rah guzar

Chup khara hoon zindagi ke moor par

Jane kis ka hai abhi tak intizar