હાથ એમાં ફક્ત હાથો હોય છે,
ભૂખનો આકાર ખોબો હોય છે.
બે જણાંનાં મૌનની સાથે સતત,
એમનો વાંધો બબડતો હોય છે.
પુખ્તવયનાં કાનથી સાંભળ નહીં,
શેર મારી મુગ્ધતાનો હોય છે.
બે લગોલગ ગોઠવેલી ઈંટથી,
કેટલી ઘરમાં દીવાલો હોય છે?
માછલી તો તરફડીને શાંત થઇ,
જાળમાં જળનો નિસાસો હોય છે
. જે ઇરાદાથી થવાયું પર નહીં,
એ ઇરાદાનો ઇરાદો હોય છે.
તું ય અંધારાની છોડી દે ફિકર,
રાતનો બસ રાતવાસો હોય છે.
-ગૌરાંગ ઠાકર
No comments:
Post a Comment